അമ്മ അറിയാന്‍ -
രക്ഷിതാക്കള്‍ക്കുള്ള ബോധവല്‍ക്കരണ പരിപാടി
സര്‍വശിക്ഷാ അഭിയാന്റെ ന്യൂനപക്ഷ വിദ്യാഭ്യാസ പരിപാടിയില്‍ ഉള്‍പ്പെടുത്തി മുസ്ളിം വിഭാഗത്തില്‍ ഉള്‍പ്പെട്ട കുട്ടികളുടെ അമ്മമാര്‍ക്കായി പ്രത്യേക ബോധവല്‍ക്കരണ പരിപാടി സംഘടിപ്പിച്ചു.
സ്കൂള്‍ വിദ്യാഭ്യാസവും മദ്രസ പഠനവും ഒന്നിച്ചു കൊണ്ടുപോകുന്നവരാണ് മുസ്ളിം കുട്ടികള്‍.അതുകൊണ്ടുതന്നെ ഒട്ടേറെ പ്രയാസങ്ങള്‍ കുട്ടികള്‍ നേരിടുന്നുണ്ട്.അതിരാവിലെ മുതല്‍ പഠനം ആരംഭിക്കുന്നതിനാല്‍ ശരീരത്തിനാവശ്യമായത്രയും ഭക്ഷണം കഴിക്കാന്‍ കുട്ടികള്‍ക്ക് കഴിയുന്നില്ല.ഇത് അവരെ പെട്ടെന്ന് ക്ഷീണിതരാക്കുന്നു.ഗൃഹപാഠങ്ങള്‍ കൂടുന്നതിനാല്‍ പലപ്പോഴും ചെയ്യാതെ വരുന്നു.അതുപോലെതന്നെ വീട്ടില്‍ നിന്നുള്ള പഠനത്തിന്റെ കാര്യവും.അതിനാല്‍ ഇവരെ മികച്ചരീതിയില്‍ പരിചരിക്കേണ്ടതിന്റെ ആവശ്യകത ബോധ്യപ്പെടുത്താനും പഠനത്തില്‍ കൂടുതല്‍ പിന്തുണ ഉറപ്പാക്കാനും ,കുട്ടികളെ നല്ല സാമൂഹ്യബോഭമുള്ളവരായി വളര്‍ത്തേണ്ടതിന്റെ ആവശ്യകത തിരിച്ചറിയാനും ഉമ്മമാരുടെ ഈ കൂടിച്ചേരല്‍ സഹായകമായി.വീഡിയോ ദൃശ്യങ്ങള്‍,കെയ്സുകള്‍ എന്നിവയുടെ സഹായത്തോടെയാണ് ക്ലാസ്സ് മുന്നോട്ടുകൊണ്ടുപോയത്.
